Latest Telugu Movie Reviews in Telugu

‘చాణక్య’

విశ్లేషణ

ఇదో స్పై థ్రిల్లర్‌. ‘రా’ అధికారుల పనితీరు ఎలా ఉంటుంది? వాళ్ల గూఢచార్య నైపుణ్యాలు ఏంటి? దేశాన్ని కాపాడటానికి వాళ్లు ఏం చేస్తారు? ఎంతకు తెగిస్తారు? అన్న అంశాలను స్పృశిస్తూ, ఒక కమర్షియల్‌ సినిమాను తీసే ప్రయత్నం చేశారు. గూఢచారి తరహా కథలు ఎప్పుడూ ఉత్కంఠ కలిగిస్తాయి. సరైన స్క్రీన్‌ప్లే, మలుపులు తోడైతే,  ఆ ప్రయత్నం మరింత ఆకట్టుకుంటుంది. చాణక్యలోనూ అలాంటి అంశాలు కనిపిస్తాయి. ఈ కథను ఒక యాక్షన్‌ ఎపిసోడ్‌తో ప్రారంభిస్తారు.

కరాచీలో బంధించబడిన నలుగురు స్నేహితులను కాపాడటానికి హీరో చేసే ప్రయత్నాలు ఈ కథకు మూల స్తంభాలుగా నిలుస్తాయి. అయితే, వాటి చుట్టూ, సన్నివేశాలను ఆసక్తిగా, ఇంకాస్త బలంగా రాసుకుని ఉంటే బాగుండేది. ప్రథమార్ధంలో బ్యాంకు ఉద్యోగి రామకృష్ణ నేపథ్యంలో వచ్చే సన్నివేశాలు ప్రేక్షకుడికి బోరు కొట్టిస్తాయి. మెహరీన్‌తో లవ్‌ ట్రాక్‌, వినోదం కోసమే సృష్టించిన ఆయా సన్నివేశాలు ఇబ్బంది కలిగిస్తాయి. కామెడీ లేకపోగా పంటి కింద రాయిలా తగులుతాయి. విశ్రాంతి ముందు వరకూ కథలో ఎలాంటి అలజడి ఉండదు. విశ్రాంతి తర్వాత దర్శకుడు కథను ట్రాక్‌ ఎక్కించాడు.

కరాచీ వెళ్లి తన స్నేహితులను ఎలా కాపాడాడన్నది ద్వితీయార్ధం. అక్కడ ఆపరేషన్‌ ఆసక్తికరంగా ఉంటే సినిమా మరో స్థాయికి వెళ్లేది. ఈ చాణక్య టైటిల్ కు తగ్గట్టు కథానాయకుడు తన తెలివితేటలను ఎలా ప్రదర్శించాడు. ఎలా కిడ్నాప్ అయిన అధికారులను అక్కడి నుంచి తప్పించాడన్న విషయంలో మాత్రం హీరోయిజం కానీ, కనీసం టైటిల్ ను సార్థకం చేసుకున్నది మాత్రం ఏమీ లేదన్నట్లుగానే సాగింది.

కాగా, చాణక్య పేరు పెట్టుకున్నతరువాత కూడా హీరో తెలివి తేటలు ప్రదర్శించకపోవడంతో ఆ సన్నివేశాలన్నీ కాస్త దారి తప్పాయి. అయితే, పతాక సన్నివేశాలు మాత్రం థ్రిల్లింగ్ గా అనిపిస్తాయి. అక్కడ దర్శకుడు ఇచ్చిన ట్విస్ట్‌ ఈ చిత్రానికి ఆయువు పట్టు, ఆయా సన్నివేశాలు ప్రేక్షకుడిని ఉత్కంఠతో ఊపేస్తాయి. యాక్షన్‌ సన్నివేశాలు, వాటిని తెరకెక్కిన విధానం, లొకేషన్‌లు ఇవన్నీ మాస్‌కు బాగా నచ్చుతాయి.

నటీనటుల విషాయానికి వస్తే..

యాక్షన్‌ హీరో ఇమేజ్‌ ఉన్న గోపీచంద్ కు మరోసారి తన శైలికి తగిన పాత్ర దొరికింది. ‘రా’ అధికారిగా చాలా నిజాయతీగా కనిపిస్తారు. బ్యాంకు ఉద్యోగిగా అమాయకత్వం ప్రదర్శిస్తారు. యాక్షన్‌ సీన్లను ఎప్పటిలాగే చురుగ్గా చేశారు. పెద్ద పెద్ద స్టార్లే కమర్షియల్ హంగులు వీడి కొత్త తరహా కథల వైపు అడుగులేస్తుంటే గోపీచంద్ ఇంకా ఇలాంటి కథలే ట్రై చేయడం ఆశ్చర్యకరం. ఇక ఇక్కడ చెప్పుకోవాల్సిన విషయం ఏమంటే.. రా ఏజెంట్ గా గోపిచంద్ లుక్ కూడా పెద్దగా సెట్ కాలేదు.

మెహ్రీన్ పిర్జాదా పాత్ర పరమ రొటీన్ గా అనిపిస్తుంది. ఒక క్యారెక్టరైజేషన్ అంటూ ఏమీ లేని పాత్రలో ఆమెను ఎంతమాత్రం గుర్తుంచుకునే అవకాశాలు లేవు. పాటల్లో కొంచెం గ్లామరస్ గా కనిపించి ఆకట్టుకునే ప్రయత్నం చేసింది. ఆమె పాత్ర పరిమితం. ఆమె ఒక లవ్‌ ట్రాక్‌, పాటలకే పరిమితం అయింది. కథానాయిక పాత్రకంటే జరీన్‌ఖాన్‌ పాత్రకే ఎక్కువ ప్రాధాన్యం ఉంది. అర్జున్ కు సహకరించే ఆ పాత్రలో ఆమె నటన ఆకట్టుకుంటుంది.

విలన్ పాత్రలో రాజేష్ ఖట్టర్ చేసిందేమీ లేదు. ఆయన తెలుగు ప్రేక్షకులకు పరిచయం లేనివారు కావడంతో ఆయా పాత్రల్ని ప్రేక్షకులు ఆకళింపు చేసుకోవడం కష్టమవుతుంది. అతడితో పోలిస్తే ఉపేన్ పటేల్ పర్వాలేదనిపించాడు. నాజర్ స్థాయికి తగ్గ పాత్ర దక్కలేదు. సునీల్ ఉన్న కాసేపట్లో అసలేమాత్రం నవ్వించలేకపోయాడు. రఘుబాబు పర్వాలేదు. ఆలీ తన మార్కు డబుల్ మీనింగ్ డైలాగులతో రొటీన్ కామెడీ చేశాడు.

{youtube}v=5xwRV6os5Ew|620|400|1{/youtube}

టెక్నికల్ అంశాలకు వస్తే..

దర్శకుడు తిరు ఎంచుకున్న నేపథ్యం కొత్తది. అయితే, దానికి బలం చేకూర్చే సన్నివేశాలు ఇంకొన్ని రాసుకుని ఉంటే బాగుండేది. ‘చాణక్య’ టైటిల్ కు తగినట్లు సన్నివేశాలు లేవు. చాణుక్యుడి చాతుర్యం (తెలివితేటు) ప్రధర్శించకపోవడం కొంత మైనస్. ఒకటి రెండు ట్విస్ట్‌లు మినహా మిగిలిన సన్నివేశాలు సాదాసీదాగా, ముందుగా ప్రేక్షకుడి ఊహించినట్లుగానే సాగుతాయి. నేపథ్య సంగీతం ఈ సినిమాకు ప్రధాన బలం.

ప్రేమకథలకు మంచి ఫీల్ ఉన్న మ్యూజిక్ చేసే విశాల్ చంద్రశేఖర్ ను ‘చాణక్య’ లాంటి కమర్షియల్ సినిమాకు సంగీత దర్శకుడిగా ఎందుకు పెట్టుకున్నారో అర్థం కాదు. అతను తన శైలిలోనూ పాటలు చేయలేదు. అలాగని మంచి మాస్ పాటలూ ఇవ్వలేదు. రెంటికీ చెడ్డ విధంగా ఇచ్చిన పాటల్లో ఏదీ అంతగా ఆకట్టుకోలేదు. శ్రీచరణ్ పాకాల.. ‘గూఢచారి’.. ‘ఎవరు’ స్టయిల్లోనే మ్యూజిక్ చేశాడు కానీ.. అది ఈ సినిమాలో సింక్ అవలేదు.

వెట్రి ఛాయాగ్రహణం సినిమాకు అదనపు బలం. నిర్మాణ విలువలకు ఢోకా లేదు. అనిల్ సుంకర బాగానే ఖర్చు పెట్టాడు. నిర్మాణ పరంగా చాలా జాగ్రత్తలు తీసుకున్నారు. తెరపై భారీదనం కనిపిస్తుంది. యాక్షన్‌ సన్నివేశాల కోసం, లొకేషన్ల కోసం చాలా ఖర్చు పెట్టారు. అబ్బూరి రవి తన మాటల గురించి ఇక్కడ ప్రత్యేకంగా ప్రస్తావించే అవకాశం ఇవ్వలేదు. ఇక గోపిచంద్ కు రాసిన డైలాగ్స్ కూడా పెద్దగా పేలలేదు.

తీర్పు..

‘చాణక్య’ స్పై థ్రిల్లర్ చిత్రానికి కావాల్సిన ఉత్కంఠ..  మాస్ డైలాగ్స్, ఎత్తుకు పైఎత్తు వేసే తెలివితేటలు లేని చిత్రం..

చివరగా... చాతుర్యం ప్రదర్శించిన ‘చాణక్య’..!

Posted: October 5, 2019, 10:56 am
‘సైరా నరసింహారెడ్డి’

విశ్లేషణ

ఝాన్సీపై ఆంగ్లేయులు దాడి చేయటంతో కథ ప్రారంభమవుతుంది. తొలి స్వాతంత్ర్య పోరాటం చేస్తున్నది మనం కాదని, అంతకుముందే ఆంగ్లేయులను ఉయ్యాలవాడ నరసింహారెడ్డి అనే వ్యక్తి గడగడలాడించాడని అతని గురించి లక్ష్మీబాయి(అనుష్క) తన సైనికులకు వివరించడంతో ‘సైరా’ కథ మొదలవుతుంది. రేనాడులోని చిన్న చిన్న సంస్థానాలు, వాటి మధ్య ఐకమత్యం లేకపోవడం, మరోపక్క పంటలు పండకపోయినా పన్నులు కట్టాలని ఆంగ్లేయులు ప్రజలను హింసించడంతో నెమ్మదిగా కథలోకి తీసుకెళ్లే ప్రయత్నం చేశాడు దర్శకుడు. అయితే, ఆరంభ సన్నివేశాలన్నీ పాత్రల పరిచయం కోసం వాడుకున్నాడు. 61 సంస్థానాలు వాటిల్లో పన్నులు వసూలు చేసేందుకు ఆంగ్లేయులు చేసే అకృత్యాలను కళ్ల కట్టినట్లు చూపించారు.

ప్రజల కష్టాలను చూసిన నరసింహారెడ్డి ఆంగ్లేయులపై పోరాటం చేయడానికి ఏం చేశాడు? ఐకమత్యంలేని సంస్థానాలు ఏకతాటిపైకి పైకి తీసుకొచ్చేందుకు చేసిన ప్రయత్నాలతో ప్రథమార్ధం సాగుతుంది. ముఖ్యంగా విరామానికి ముందు ఆంగ్లేయులతో నరసింహారెడ్డి చేసే పోరాట సన్నివేశాలు ఒళ్లు గగురుపొడుస్తాయి. దీంతో కథలో ప్రేక్షకుడు మరింత లీనమవుతాడు. బ్రిటిష్ అధికారి జాక్సన్‌ తల నరికి ఆంగ్లేయులకు పంపడంతో సెకండాఫ్‌లో ఏం జరుగుందన్న ఉత్సుకత ఏర్పడుతుంది.

అయితే, అందుకు తగ్గట్టుగానే ద్వితీయార్ధాన్ని కూడా మలిచాడు దర్శకుడు. కథ, కథనాల్లో వేగం పెంచాడు. రేనాడులో నరసింహారెడ్డి పోరాటం గురించి బ్రిటిష్‌ ప్రభుత్వానికి తెలియడం, దాన్ని అణచివేసేందుకు ఆ ప్రాంతానికి అత్యంత క్రూరుడైన మరో అధికారిని పంపడంతో ద్వితీయార్ధం ప్రారంభమవుతుంది. ఇక్కడి నుంచే కథ మరింత రసకందాయంలో పడుతుంది. కథలో నాటకీయత మొదలవుతుంది. ఒకపక్క నరసింహారెడ్డి మిగిలిన సంస్థానాధీశుల్లో స్వాతంత్ర్యపోరాట స్ఫూర్తిని రగిలించి అందరినీ ఏకతాటిపై తీసుకొచ్చే ప్రయత్నం చేయడం తదితర సన్నివేశాలతో సాగుతుంది. ఇక్కడే దర్శకుడు కమర్షియల్‌ ఎలిమెంట్స్‌కు ఎక్కువ ప్రాధాన్యం ఇచ్చాడు. చిరంజీవిలోని మాస్‌ ఇమేజ్‌. స్టార్‌ డమ్‌ను దృష్టిలో పెట్టుకుని ఆయా సన్నివేశాలను రాసుకున్నాడు.

అవుకురాజు, వీరారెడ్డి, బసిరెడ్డి పాత్రలు నరసింహారెడ్డికి సహకరిస్తున్నాయా? లేక వెన్నుపోటు పొడుస్తున్నాయా? అన్న ఉత్కంఠను ప్రేక్షకుల్లో కలిగించేలా సన్నివేశాలు ఉంటాయి. ముఖ్యంగా చిరంజీవి నుంచి ప్రేక్షకులను ఏం ఆశిస్తారో అవన్నీ దర్శకుడు దృష్టిలో పెట్టుకున్నాడు. దీంతో ద్వితీయార్ధంలో తీసిన పోరాట ఘట్టాలు రోమాంచితంగా చిరు అభిమానులకు పండగలా ఉంటాయి. అయితే, అతి చిన్నదైన సైరా సైన్యం 10వేలమంది ఆంగ్లేయ సైన్యాన్ని చంపడం ఇవన్నీ కొంత లాజిక్‌కి దూరంగా సాగే సన్నివేశాలే. క్లైమాక్స్‌లో మరింత లిబర్టీ తీసుకున్నాడు దర్శకుడు. చరిత్రలో ఆంగ్లేయులు నరసింహారెడ్డిని ఉరితీసినట్లుగా ఉంది.  అయితే క్లైమాక్స్‌కు భావోద్వేగాలు జోడించడంతో సినిమా విషాదాంతంగా ముగించినట్లు అనిపించకుండా జాగ్రత్తపడ్డాడు దర్శకుడు.

{youtube}v=DUJZJ5nIsSk|620|400|1{/youtube}

నటీనటుల విషాయానికి వస్తే..

మెగాస్టార్ చిరంజీవి పుష్కరం క్రితం కలను సాకరం చేసుకోవడంలో సర్వశక్తులొడ్డి మరీ ఉయ్యాలవాడ నరసింహారెడ్డి పాత్రలో మెరిసారు. తొలిసారి తన కెరీర్ లో చారిత్రక చిత్రంలో నటించిన ఆయన ఇందుకు తన 150 చిత్రలా అనుభవం ఎలాంటిదో ఈ చిత్రంలో ప్రదర్శించాడు. చారిత్రక నేపథ్యమున్న పాత్రలో పర్ ఫెక్ట్ గా ఫిట్ అయ్యాడు. చిరంజీవి తనయ సుస్మిత అందించిన ఆహార్యం కూడా నరసింహారెడ్డి పాత్రలో మెగాస్టార్ ను ఒదిగిపోయేలా చేసింది.

యుద్ధ సన్నివేశాల్లో చిరంజీవి నటన అద్భుతంగా వుంది. నేటి తరం యువ కథానాయకులకు ఏ మాత్రం తీసిపోని విధంగా ఆయన తనదైన మార్కును ప్రదర్శించారు. అభిమానుల అంచనాలను ఎక్కడా కొద్దిగ కూడా తక్కువ కాకుండా అన్ని అంశాలను పరగణలోకి తీసుకుని మరీ వెండితెరపై సువర్ణమయంగా తన నటనా వైవిద్యాన్ని ప్రదర్శించారు. అయితే ఎమోషనల్ సన్నివేశాల్ని చిరు తన నటనతో రక్తి కట్టించిన తీరు ఆకట్టుకుంటుంది. సంభాషణలు పలకడంలోనూ చిరు తనదైన మార్కును చూపించారు. చివరి 20 నిమిషాల్లో చిరు నటన మాటలకు అందని విధంగా సాగింది.

ఉయ్యాలవాడ గురువు పాత్రలో స్వాతంత్ర్యపోరాట స్ఫూర్తిని రగిలించే గురువు గోసాయి వెంకన్నగా అమితాబ్ బచ్చన్ చక్కగా సరిపోయారు. తన కళ్లలో ఇంటెన్సిటీ చూపించి తన స్థాయిని చాటుకున్నారు. ఇక అవుకు రాజుగా సుదీప్‌ నటనను మెచ్చుకోకతప్పదు. నరసింహారెడ్డి అంటే అసూయ కలిగిన వ్యక్తిగా చక్కగా నటించారు. అదే సమయంలో ఆంగ్లేయులపై చేసే పోరాటంలో నరసింహారెడ్డికి సహకరించడం ఆకట్టుకుంది. ఇక వీరారెడ్డిగా జగపతిబాబు పాత్ర భిన్న కోణాల్లో సాగుతుంది. మొదటి నుంచి నరసింహారెడ్డి వైపు ఉండే వీరారెడ్డి అనుకోని పరిస్థితుల్లో మారతాడు. బసిరెడ్డిగా రవికిషన్‌ మోసపూరిత పాత్రలో కనిపించారు.

నరసింహారెడ్డి భార్య సిద్ధమ్మగా నయనతార చక్కగా సరిపోయింది. ఆ పాత్రలో చక్కగా నటించింది. ఇక ‘సైరా’లో మరో ప్రధాన పాత్ర తమన్నా, నరసింహారెడ్డి ప్రియురాలు లక్ష్మిగా చాలా చక్కగా నటించింది. తన డ్యాన్స్‌, పాటలతో ప్రజల్లో స్వాతంత్ర్యకాంక్షను రేకెత్తిస్తుంది. పాండిరాజాగా విజయ్‌సేతుపతి నటన ఆకట్టుకుంటుంది. ఆంగ్లేయులపై నరసింహారెడ్డి చేస్తున్న పోరాటానికి తనవంతు సహకారాన్ని అందిస్తాడు. ఇతర నటీనటులు తమ పాత్రల పరిధి మేరకు నటించారు. పవన్‌కల్యాణ్‌ వాయిస్‌ ఓవర్‌, చివరిలో నాగబాబు స్వరం వినిపించడం మెగా అభిమానులను ఆకట్టుకుంటాయి.

{youtube}v=KyhrrdpA2YA|620|400|1{/youtube}

టెక్నికల్ అంశాలకు వస్తే..

‘సైరా’ దర్శకుడు సురేందర్‌రెడ్డి చిత్ర కథ, కథనాన్ని మెగా ఫ్యాన్స్ ను దృష్టిలో పెట్టుకుని తీర్చిదిద్దిన తీరు అమోఘం. ఆయన తీసుకున్న జాగ్రత్తలు చిత్రంలో ప్రతీ ఫ్రేమ్ లో కనిపిస్తాయి. చరిత్ర అర్థం చేసుకోవడం మొదలు.. చిరంజీవి స్టార్‌డమ్‌ను దృష్టిలో పెట్టుకుని సన్నివేశాలు రాసుకోవడం వరకు.. తన అనుకున్న కథ, కథనాన్ని తెరపై కూడా అలాగే మలిచే విధానంలోనూ ఆయన సక్సెస్ అయ్యాడనే చెప్పాలి.  పరుచూరి బ్రదర్స్‌ అందించిన కథకు మెరుగులు దిద్ది అద్భుతమైన విజువల్‌ వండర్ గా రూపొందించాడు. స్టైలిష్‌ దర్శకుడిగా పేరున్న ఆయన చరిత్ర ప్రాధాన్యమున్న కథను అద్భుతంగా మలిచాడు.

ఈ సినిమాకు సినిమాటోగ్రఫీ వహించిన రత్నవేలు ప్రతి సన్నివేశాన్ని అద్భుతంగా తెరకెక్కించారు. దర్శకుడి ఊహలకు ఆయన ప్రతిబింబంగా నిలిచారు. ఈ సినిమా ప్రధాన బలం సంగీతం. అమిత్‌ త్రివేది, జూలియస్‌ ఫాఖియంలు ఇచ్చిన సంగీతం సినిమాకు ప్రధాన ఆకర్షణగా నిలిచింది. ముఖ్యంగా జూలియస్‌ నేపథ్య సంగీతం ప్రతి సన్నివేశంలో ప్రేక్షకుడు లీనమయ్యేలా చేసింది. విరామానికి ముందు వచ్చే సన్నివేశాలు, క్లైమాక్స్‌లో వినిపించే నేపథ్య సంగీతంతో ఒళ్లు గగురుపొడుస్తుంది.

‘సైరా’లో యాక్షన్‌ సన్నివేశాలు హైలైట్‌గా నిలిచాయి. హాలీవుడ్‌ స్టంట్‌ డైరెక్టర్స్‌, గ్రెగ్‌పావెల్‌ అతని బృందం, రామ్‌లక్ష్మణ్‌లు తీర్చిదిద్దిన పోరాట ఘట్టాలు ప్రేక్షకులను విశేషంగా అలరిస్తాయి. బుర్రా సాయిమాధవ్‌ డైలాగ్‌లు చిరు అభిమానులను విశేషంగా ఆకట్టుకున్నాయి. రాజీవన్‌ ప్రొడక్షన్‌ డిజైన్‌ ఆనాటి రోజులను కళ్లకు కట్టింది. ఇక చిత్ర నిర్మత రామ్ చరణ్‌ ఎక్కడా తగ్గలేదు. చిత్ర నిర్మాణంలో నూటికి నూరుశాతం ఖర్చు చేయడంలో వెనుకాడలేదు. దీంతో తన తండ్రి కలల ప్రాజెక్టు అద్భుతంగా రావడానికి నిజంగా ఎంతో శ్రమించారు. ప్రతి ఫ్రేములోనూ భారీదనం కనపడుతుంది.

తీర్పు..

‘సైరా నరసింహారెడ్డి’ చిత్రం వీక్షకుడిలో నరనరాన దేశభక్తిని రగిలిస్తుంది. వందల ఏళ్ల క్రితం నాటి స్వతంత్ర్య పోరాటాన్ని.. నేటి తరం ముందు అవిష్కరించింది.

చివరగా... రోమాలు నిక్కబోడుచుకనే స్వతంత్ర సంగ్రామ చిత్రం ‘సైరా’..!

Posted: October 2, 2019, 9:41 am
‘వాల్మీకీ’

విశ్లేషణ

చాలా కొత్తగా అనిపించే కథ.. తమిళంలో కన్నా చిత్రాన్ని అద్భుతంగా తీయాలన్న హరీష్ ప్రయత్నం.. అందుకు మెగాప్రిన్స్ వరుణ్ తేజ్ ను ఎంచుకోవడం ఆయన చేసిన సాహసమే. తమిళంతో పోలిస్తే తెలుగులో ఆ పాత్ర టోన్ మార్చేశాడు. గెటప్ హావభావాలు నటన.. అన్నింట్లోనూ మార్పు చూపించాడు. తమిళంలో బాబీ సింహా పాత్రకన్నా ప్రాథాన్యతను కల్పించి.. హరీష్ తనదైన టచ్ ఇస్తూ తీర్చిదిద్దిన గద్దలకొండ గణేష్ పాత్ర.. అందులో వరుణ్ తేజ్ నటన పెద్ద ఆకర్షణగా నిలిచాయి. ఆద్యంతం ప్రేక్షకుల దృష్టి మరల్చనీయకుండా చేసిన ఆ పాత్రే సినిమాను నిలబెట్టేసింది. ‘వాల్మీకి’ మన ప్రేక్షకుల అభిరుచికి తగ్గ ఎంటర్టైనర్ అనడంలో సందేహం లేదు.

ఈ పాత్ర స్క్రీన్ మీద కనిపించిన ప్రతిసారీ ప్రేక్షకుల ఆసక్తి నిలిచి ఉండేలా చేయడంలో దర్శకుడు హరీష్ శంకర్ సక్సెస్ అయ్యాడు. పరిచయ సన్నివేశంతోనే గణేష్ పాత్రతో ప్రేక్షకులు కనెక్ట్ అయిపోతారు. వరుణ్ ఏ తడబాటు లేకుండా తెలంగాణ యాసలో చెప్పిన డైలాగులు.. సందర్భానుసారంగా భలేగా పేలాయి. గణేష్ కనిపించే తొలి సన్నివేశం తర్వాత అతడి క్రూరత్వాన్ని చాటిచెప్పే మరో రెండు సన్నివేశాలు కొంచెం రిపిటీటివ్ లాగా అనిపిస్తాయి. కానీ ఆ తర్వాత ఆ పాత్రను మలుపు తిప్పిన తీరు ఆకట్టుకుంటుంది. ఇంటర్వెల్ ఎపిసోడ్.. ప్రేక్షకుడిలో ఉత్కంఠ రేపుతుంది.

ద్వితీయార్ధంలో ‘వాల్మీకి’ కథ ప్రేక్షకుడి అంచనాలకు ఏమాత్రం అందని విధంగా సాగుతుంది. ద్వితీయార్ధంలో ప్రేక్షకుడు కొత్త అనుభూతికి గురవుతారు. సినిమాలో సినిమా చుట్టూ మలుపు సాగే వ్యవహారం ఆసక్తి రేకెత్తిస్తుంది. ఫ్లాష్ బ్యాక్ ఎపిసోడ్ చాలా వరకు సాధారణంగా అనిపించి.. ఇంకెప్పుడొస్తుంది ‘ఎల్లువొచ్చి గోదారమ్మా’ పాట అని ప్రేక్షకులు ఎదురు చూసేలా చేస్తుంది. ఐతే ఆ పాట.. ఫ్లాష్ బ్యాక్ ఎపిసోడ్ ను ముగించిన తీరు ఆకట్టుకుంటాయి. హీరో తల్లి పాత్రకు ప్రాధాన్యం పెంచడం.. సెంటిమెంట్ కనెక్షన్ పెట్టడం బాగుంది. సినిమా ముగింపు కోసం ఆమె పాత్రను హరీష్ చక్కగా వాడుకున్నాడు.

అలాగే తనికెళ్ల భరణి పాత్ర ద్వారా కూడా హరీష్ చక్కగా ఎమోషన్ పండించాడు. ప్రి క్లైమాక్స్ లో చిత్రాన్ని సాగదీసినట్టు అనిపించినా.. ముగింపు మాత్రం మెప్పిస్తుంది. చివర్లో సుకుమార్.. నితిన్ ల క్యామియోలు కొసమెరుపుల్లా ఉపయోగపడ్డాయి. ప్రేక్షకుడి అంచనాలకు భిన్నంగా సాగే కథ.. వరుణ్ పాత్రతో పాటు ప్రేక్షకుల్ని ఎంగేజ్ చేసే ఆకర్షణలు ‘వాల్మీకి’లో చాలానే ఉన్నాయి. తమిళం నుంచి తీసుకున్న క్లాస్ కథకు హరీష్ ఇచ్చిన మాస్ టచ్ వల్ల మన ప్రేక్షకుల్ని మెప్పించేలాగే తయారైంది ‘వాల్మీకి’. మామూలుగా చూస్తే ‘వాల్మీకి’ మెప్పిస్తాడు.

నటీనటుల విషాయానికి వస్తే..

ఫిదా చిత్రంలో అక్కడక్కడా.. ఎఫ్ 2 చిత్రంలో పూర్తి క్యారెక్టర్ తెలంగాణ యాసలో మాట్లాడిన మెగా ప్రిన్స్ ఇప్పటికే నైజాం ప్రాంతంలో ఎక్కువ మంది అభిమానులను సంపాదించుకున్నాడు. ఇక తాజాగా ‘వాల్మీకి’ సినిమాతో వరుణ్ తేజ్ మాస్ డైలాగులు, యాస పూర్తిగా తెలంగాణవాసిగా మార్చివేశాయి. ఈ చిత్రంలో వరుణ్ నటుడిగా కొన్ని మెట్లు ఎక్కాడు. అతడి కెరీర్లో ఎప్పటికీ చెప్పుకోదగ్గ పాత్రల్లో ఇది ఒకటిగా నిలిచిపోతుంది.

ఈ పాత్రకు వరుణ్ ను ఎంచుకున్నందుకు హరీష్ ను.. ఈ పాత్ర ఒప్పుకున్నందుకు వరుణ్ ను అభినందించాల్సిందే. ఈ ఆలోచన దగ్గరే వీళ్లిద్దరూ మార్కులు కొట్టేశారు. వరుణ్ లుక్ - మేనరిజమ్స్ - బాడీ లాంగ్వేజ్ - డైలాగ్ డెలివరీ అన్నీ కూడా భలేగా కుదిరాయి. ఇప్పటిదాకా ఎక్కువగా సటిల్ యాక్టింగ్ తో ఆకట్టుకున్న వరుణ్.. తొలిసారి చాలా లౌడ్ గా అనిపించే పాత్రలో మెప్పించాడు.

సినిమాలో మిగతా పాత్రలన్నింటినీ అతను పక్కకు నెట్టేసి స్క్రీన్ మీద ఆధిపత్యం చలాయించాడు. అధర్వ మురళి ఉన్నంతలో బాగానే చేశాడు కానీ.. పాత్ర పరంగా వరుణ్ ముందు అతను చిన్నబోయాడు. పూజా హెగ్డే కనిపించిన కాసేపు తన అందంతో అలరించింది. ఎల్లువొచ్చి గోదారమ్మ పాటలో పూజా మెరిసిపోయింది. మృణాళిని రవి పర్వాలేదు. బ్రహ్మాజీ రౌడీ బ్యాచ్ కు నటన నేర్పించే పాత్రలో భలేగా నవ్వించాడు. చింతమల్లిగా సత్య కామెడీ కూడా అలరిస్తుంది. శత్రు - జబర్దస్త్ రవి - మిగతా నటీనటులంతా తమ పరిధి మేరకు రాణించారు.

{youtube}v=Fev7olIE31w|620|400|1{/youtube}

టెక్నికల్ అంశాలకు వస్తే..

సంగీత దర్శకుడు మిక్కీ జే మేయర్ తనలోని కొత్త కోణాన్ని ‘వాల్మీకి’లో చూపించాడు. క్లాస్ టచ్ ఉన్న పాటలు - నేపథ్య సంగీతానికే పేరుపడ్డ అతను.. ‘వాల్మీకి’లో పూర్తిగా మాస్ పాటలు - ఆర్ ఆర్ చేశాడు. వాకా వాకా.. జర్రజర్ర లాంటి మాస్ బీట్స్ ఆకట్టుకుంటాయి. నేపథ్య సంగీతంలో చాలానే మార్పు చూపించాడు మిక్కీ. తాను మాస్ సినిమాలకు గూస్ బంప్స్ ఇచ్చే నేపథ్య సంగీతం ఇవ్వగలనని రుజువు చేశాడు.

అయానంక బోస్ ఛాయాగ్రహణం ఆకట్టుకుంటుంది. సినిమాకు రిచ్ లుక్ తీసుకురావడంలో అతడి కెమెరా కీలక పాత్ర పోషించింది. 14 రీల్స్ ప్లస్ బేనర్ నిర్మాణ విలువలు బాగున్నాయి. ఇక దర్శకుడు హరీష్ శంకర్.. రీమేక్ తీయడంలో మరోసారి తన నేర్పరితనం చూపించాడు. చాలా క్లాస్ గా కనిపించే ఆ చిత్రాన్ని తెలుగులో మాస్ కు చేరువ చేయడంలో మాత్రం అతను విజయవంతం అయ్యాడు. డైలాగుల్లో హరీష్ మార్కు కనిపిస్తుంది. ‘‘నమ్మకం ప్రాణం లెక్క. ఒక్కసారి పోతే మళ్లీ తిరిగి రాదు’’ లాంటి డైలాగులు ఆకట్టుకుంటాయి. కథనంలో అక్కడక్కడా బిగి సడలినప్పటికీ.. అనేక హంగులు అద్ది సినిమాను అతను జనరంజకంగానే మలిచాడు హరీష్.

తీర్పు..

‘వాల్మీకి ’ అలియాస్ గద్దలకొండ గణేష్ ఒక పూర్తి టైంపాస్ చిత్రం.. మాస్ అడియన్స్ అకర్షించేందుకు వచ్చిన మంచి క్లాస్ చిత్రం..

చివరగా... మాస్ అడియన్స్ ను అలరించనున్న ‘వాల్మీకి’..!

Posted: September 20, 2019, 12:04 pm
నానీస్ ‘గ్యాంగ్ లీడర్’

విశ్లేషణ

మ‌న్మ‌ధుడు అన్న పేరు విన‌గానే విజ‌య్ భాస్క‌ర్ తెర‌కెక్కించిన క్లాసిక్ గుర్తుకు వ‌స్తుంది. మ‌ళ్లీ అలాంటి క్లాసిక్ తీశారా? అన్న ఆశ అభిమానుల‌కు ఉంది. అయితే ఈ విష‌యంలో కొత్త కుర్రాడు రాహుల్ ర‌వీంద్ర‌న్ త‌డ‌బ‌డ్డాడ‌నే చెప్పాలి. ఇందులో వెన్నెల కిషోర్ తో ఫ‌న్ ని వ‌ర్క‌వుట్ చేయ‌గ‌లిగినా .. క‌థాంశాన్ని గ్రిప్పింగ్ గా న‌డిపించ‌డంలో అత‌డు త‌డ‌బ‌డ్డాడు. క‌థ డ్రైవ్ లో ఫన్నీ సీన్స్ అయితే మాత్రం సినిమా చూసే ప్రేక్షకుడిని ఆధ్యంతం నవ్విస్తాయి.

అలాగే ఫ్యామిలీ ఎమోషన్స్ ఫ‌ర్వాలేద‌నిపిస్తాయి. పోర్చుగ‌ల్ నేప‌థ్యంలో తీశారు కాబ‌ట్టి ఆ బ్యూటీ అబ్బుర‌ప‌రిచింది. ప‌తాక స‌న్నివేశాల్లో ర‌కుల్- నాగ్ సీన్స్ లో ఎమోష‌న్ పండింది. కానీ స్క్రీన్ ప్లే ప‌రంగా ఇంకేదో మ్యాజిక్ చేస్తాడ‌ని ఆశిస్తే అది క‌నిపించ‌దు. అయితే నేరేష‌న్ లో ఏదో మిస్స‌వుతోంది అన్న భావ‌నా ప్రేక్ష‌కుడిని వెంటాడుతుంది. ఎంచుకున్న లైన్ ఓకే కానీ.. న‌డిపించిన విధానంలో ఇంకాస్త జాగ్ర‌త్త తీసుకుని ఉంటే బావుండేది.

నటీనటుల విషాయానికి వస్తే..

‘సాహో’ చిత్రంపై అభిమానులతో పాటు యావత్ దేశవ్యాప్తంగా అంచనాలు పెరగడానికి కారణం ఆ చిత్ర టీజర్, ట్రైయిలర్. ప్రేక్షకులతో పాటు అటు సినీ పరిశ్రమకు చెందిన ప్రముఖులు కూడా ఇదే అభిప్రాయాన్ని వ్యక్తం చేశారు. భారీ తారాగణంతో, అంతకుమించిన భారీ యాక్షన్‌ సన్నివేశాలు మొత్తంగా భారీ బడ్జెట్ తో ప్రభాస్ ‘సాహో’ తెరకెక్కింది. తెలుగు, తమిళ, హిందీ, మలయాళంలో సుమారు 10,000 థియేటర్ల పైగానే ప్రపంచవ్యాప్తంగా ఇవాళ ప్రేక్షకుల ముందుకు వచ్చింది. బాహుబలి వంటి చారిత్రాత్మక చిత్రాల తరువాత తొలిసారిగా ఒక ప్రాంతీయ భాషా చిత్రం హాలీవుడ్ యాక్షన్ చిత్రాల తరహాలో రూపోందించబడింది.

బాహుబలి’తో భారతీయ చలనచిత్ర రంగంతో పాటు వరల్డ్ సినిమా హిస్టరీలో ప్రభాస్ తనకంటూ ఒక పేజీని లిఖించుకున్నాడు. ఇక సాహో చిత్రంలో తన నటన, స్టైలిష్ లుక్స్ తో అసలు తెలుగు హీరోను చూస్తున్నామా.? లేక హాలీవుడ్ స్టార్ ను వీక్షిస్తున్నామా.? అన్న అనుమానం సినిమాను చూసిన ప్రతీ ఒక్కరికి కలగక మానదు. లాంగ్‌ గ్యాప్‌ తరువాత వెండితెర మీద కనిపించిన ప్రభాస్‌ను అభిమానులు ఎలా చూడాలనుకుంటున్నారో అంతకుమించి చూపించాడు. యాక్షన్ సన్నివేశాలతోనే కాకుండా ఇటు శ్రద్దా కపూర్ తో రోమాన్స్ లోనూ ప్రభాస్ మరోమారు డార్లింగ్ అనిపించాడు.

కథ విషయంలో దర్శకుడు సుజిత్ అనుకున్నది అనుకున్నటులగా అనేక ట్విస్టులు చూపారు. ‘సాహో’లో కావాల్సినంత స్టఫ్ వుంది. ప్రభాస్ నటన, లుక్స్ అదిరిపోయాయి. కొన్ని సన్నివేశాలలో అయితే హాలీవుడ్ హీరోను తలపిస్తాడు. దొంగతనానికి అసలు కారకుడిని పట్టుకోవడానికి ప్రభాస్ వేసే ఎత్తుగడలు, దానికి ప్రత్యర్థి జై (నీల్‌ నితిన్‌ ముఖేశ్‌) ఇచ్చే కౌంటర్లతో సినిమా ఆసక్తికరంగానే ఉంటుంది. ఇక చివరి 30 నిమిషాలు సినిమాను ప్లస్. రన్‌ రాజా రన్‌ లాంటి చిన్న సినిమా చేసిన అనుభవం మాత్రమే ఉన్న సుజీత్ కు ఇంత భారీ ప్రాజెక్ట్ చేతిలో పెట్టడం.. భారీ తారాగణం, వందల కోట్ల బడ్జెట్‌, అతనిపై ఒత్తిడిని పెంచడంతో తడబాడ్డాడని కనిపిస్తోంది. అయితే ఇంటర్వెల్‌ ట్విస్ట్‌తో కథ ఆసక్తికరంగా మారినా ద్వితీయార్థం లోనూ తడబాటు కనిపించింది. లవ్‌ స్టోరి కాస్త సాగదీసినట్టుగా అనిపిస్తుంది. ప్రీ క్లైమాక్స్‌, క్లైమాక్స్‌ సన్నివేశాలు థ్రిల్ చేస్తాయి.

{youtube}v=UGO1mTUYfOE|620|400|1{/youtube}

టెక్నికల్ అంశాలకు వస్తే..

మైత్రిమూవీ మేకర్స్ నిర్మాణ విలువలు బాగున్నాయి, అనిరుధ్ రవిచందర్ సంగీతం, బ్యాక్ గ్రౌండ్ స్కోర్ అలరించాయి, పాటలు బాగున్నాయి. నేపథ్య సంగీతంలో అనిరుధ్ తన స్థాయిని చూపించాడు. మొదట్నుంచి చివరి వరకు తనదైన ఎనర్జీతో ఆర్ఆర్ తో సన్నివేశాల్ని నడిపించాడు. సినిమాటోగ్రాఫర్ మిరోస్లో కూబా పనితనం ప్రతి సన్నివేశంలోనూ కనిపిస్తుంది. ఇంటర్వెల్ షాట్ ఒక్కటి చూసి అతడి ప్రతిభను అంచనా వేయొచ్చు. ఇంకా మరెన్నో మెరుపులు కనిపిస్తాయి సినిమాలో. మైత్రీ వాళ్ల నిర్మాణ విలువలకు ఢోకా లేదు. వెంకట్ డైలాగులు బాగున్నాయి.

దర్శకుడు విక్రమ్ కుమార్.. కథ.. పాత్రల విషయంలో లాజిక్కుల గురించి పట్టించుకోకపోవడం నిరాశ కలిగించే విషయం. తనకున్న గుర్తింపును అతను నిలబెట్టుకోలేకపోయాడు. కానీ స్క్రీన్ ప్లేలో మలుపులతో.. ఫన్నీ నరేషన్ తో ఆకట్టుకునే ప్రయత్నం చేశాడు. ద్వితీయార్ధంలో విక్రమ్ ప్రతిభ చాలా చోట్ల కనిపిస్తుంది. కానీ లూజ్ ఎండ్స్ చాలా ఉండటంతో సినిమాపై పూర్తి సానుకూల అభిప్రాయం కలగదు. విక్రమ్ ఫామ్ అందుకున్నాడు కానీ.. మునుపటి స్థాయిలో మాత్రం తన పనితనం చూపించలేదు.

తీర్పు..

‘నానీస్ గ్యాంగ్ లీడర్’ ఒక టైంపాస్ చిత్రం.. ధ్రిల్ తో పాటు వినోదం.. సరదాగా రెండున్నర గంటల పాటు కాలక్షేపం..

చివరగా... టైంపాస్ పంచే పైసా వసూల్ చిత్రం..!

Posted: September 13, 2019, 10:37 am
‘సాహో’

విశ్లేషణ

మ‌న్మ‌ధుడు అన్న పేరు విన‌గానే విజ‌య్ భాస్క‌ర్ తెర‌కెక్కించిన క్లాసిక్ గుర్తుకు వ‌స్తుంది. మ‌ళ్లీ అలాంటి క్లాసిక్ తీశారా? అన్న ఆశ అభిమానుల‌కు ఉంది. అయితే ఈ విష‌యంలో కొత్త కుర్రాడు రాహుల్ ర‌వీంద్ర‌న్ త‌డ‌బ‌డ్డాడ‌నే చెప్పాలి. ఇందులో వెన్నెల కిషోర్ తో ఫ‌న్ ని వ‌ర్క‌వుట్ చేయ‌గ‌లిగినా .. క‌థాంశాన్ని గ్రిప్పింగ్ గా న‌డిపించ‌డంలో అత‌డు త‌డ‌బ‌డ్డాడు. క‌థ డ్రైవ్ లో ఫన్నీ సీన్స్ అయితే మాత్రం సినిమా చూసే ప్రేక్షకుడిని ఆధ్యంతం నవ్విస్తాయి.

అలాగే ఫ్యామిలీ ఎమోషన్స్ ఫ‌ర్వాలేద‌నిపిస్తాయి. పోర్చుగ‌ల్ నేప‌థ్యంలో తీశారు కాబ‌ట్టి ఆ బ్యూటీ అబ్బుర‌ప‌రిచింది. ప‌తాక స‌న్నివేశాల్లో ర‌కుల్- నాగ్ సీన్స్ లో ఎమోష‌న్ పండింది. కానీ స్క్రీన్ ప్లే ప‌రంగా ఇంకేదో మ్యాజిక్ చేస్తాడ‌ని ఆశిస్తే అది క‌నిపించ‌దు. అయితే నేరేష‌న్ లో ఏదో మిస్స‌వుతోంది అన్న భావ‌నా ప్రేక్ష‌కుడిని వెంటాడుతుంది. ఎంచుకున్న లైన్ ఓకే కానీ.. న‌డిపించిన విధానంలో ఇంకాస్త జాగ్ర‌త్త తీసుకుని ఉంటే బావుండేది.

నటీనటుల విషాయానికి వస్తే..

‘సాహో’ చిత్రంపై అభిమానులతో పాటు యావత్ దేశవ్యాప్తంగా అంచనాలు పెరగడానికి కారణం ఆ చిత్ర టీజర్, ట్రైయిలర్. ప్రేక్షకులతో పాటు అటు సినీ పరిశ్రమకు చెందిన ప్రముఖులు కూడా ఇదే అభిప్రాయాన్ని వ్యక్తం చేశారు. భారీ తారాగణంతో, అంతకుమించిన భారీ యాక్షన్‌ సన్నివేశాలు మొత్తంగా భారీ బడ్జెట్ తో ప్రభాస్ ‘సాహో’ తెరకెక్కింది. తెలుగు, తమిళ, హిందీ, మలయాళంలో సుమారు 10,000 థియేటర్ల పైగానే ప్రపంచవ్యాప్తంగా ఇవాళ ప్రేక్షకుల ముందుకు వచ్చింది. బాహుబలి వంటి చారిత్రాత్మక చిత్రాల తరువాత తొలిసారిగా ఒక ప్రాంతీయ భాషా చిత్రం హాలీవుడ్ యాక్షన్ చిత్రాల తరహాలో రూపోందించబడింది.

బాహుబలి’తో భారతీయ చలనచిత్ర రంగంతో పాటు వరల్డ్ సినిమా హిస్టరీలో ప్రభాస్ తనకంటూ ఒక పేజీని లిఖించుకున్నాడు. ఇక సాహో చిత్రంలో తన నటన, స్టైలిష్ లుక్స్ తో అసలు తెలుగు హీరోను చూస్తున్నామా.? లేక హాలీవుడ్ స్టార్ ను వీక్షిస్తున్నామా.? అన్న అనుమానం సినిమాను చూసిన ప్రతీ ఒక్కరికి కలగక మానదు. లాంగ్‌ గ్యాప్‌ తరువాత వెండితెర మీద కనిపించిన ప్రభాస్‌ను అభిమానులు ఎలా చూడాలనుకుంటున్నారో అంతకుమించి చూపించాడు. యాక్షన్ సన్నివేశాలతోనే కాకుండా ఇటు శ్రద్దా కపూర్ తో రోమాన్స్ లోనూ ప్రభాస్ మరోమారు డార్లింగ్ అనిపించాడు.

కథ విషయంలో దర్శకుడు సుజిత్ అనుకున్నది అనుకున్నటులగా అనేక ట్విస్టులు చూపారు. ‘సాహో’లో కావాల్సినంత స్టఫ్ వుంది. ప్రభాస్ నటన, లుక్స్ అదిరిపోయాయి. కొన్ని సన్నివేశాలలో అయితే హాలీవుడ్ హీరోను తలపిస్తాడు. దొంగతనానికి అసలు కారకుడిని పట్టుకోవడానికి ప్రభాస్ వేసే ఎత్తుగడలు, దానికి ప్రత్యర్థి జై (నీల్‌ నితిన్‌ ముఖేశ్‌) ఇచ్చే కౌంటర్లతో సినిమా ఆసక్తికరంగానే ఉంటుంది. ఇక చివరి 30 నిమిషాలు సినిమాను ప్లస్. రన్‌ రాజా రన్‌ లాంటి చిన్న సినిమా చేసిన అనుభవం మాత్రమే ఉన్న సుజీత్ కు ఇంత భారీ ప్రాజెక్ట్ చేతిలో పెట్టడం.. భారీ తారాగణం, వందల కోట్ల బడ్జెట్‌, అతనిపై ఒత్తిడిని పెంచడంతో తడబాడ్డాడని కనిపిస్తోంది. అయితే ఇంటర్వెల్‌ ట్విస్ట్‌తో కథ ఆసక్తికరంగా మారినా ద్వితీయార్థం లోనూ తడబాటు కనిపించింది. లవ్‌ స్టోరి కాస్త సాగదీసినట్టుగా అనిపిస్తుంది. ప్రీ క్లైమాక్స్‌, క్లైమాక్స్‌ సన్నివేశాలు థ్రిల్ చేస్తాయి.

{youtube}v=HNnt00swZ5Q|620|400|1{/youtube}

టెక్నికల్ అంశాలకు వస్తే..

సాంకేతికంగా సినిమా చాలా బాగుంది. నిర్మాణ విలువలు ఉన్నతస్థాయిలో వున్నాయి. సినిమాటోగ్రాఫర్‌ మది కెమెరా పనితనంతో సత్తాచాటాడు. అందరి కంటే ఎక్కువ కష్టపడింది ఈయనే. సినిమా మొత్తం కూడా చాల కలర్ ఫుల్ గా చూపించాడు. భారీ యాక్షన్‌ సన్నివేశాలు సినిమాకు ప్రధాన ఆకర్షణ. హాలీవుడ్‌ స్టంట్ మాస్టర్లు కెన్నీ బేట్స్‌, పెంగ్‌ జాంగ్‌, స్టీఫెన్‌ రిట్చెర్‌, బాబ్‌ బ్రౌన్‌తోపాటు దిలీప్‌ సుబ్బరాయన్‌, స్టంట్‌ శివ, రామ్‌ లక్ష్మణ్‌ కేక పుట్టించారు. ప్రతి ఫైట్ హాలీవుడ్ సినిమాను తలపిస్తాయి.

జిబ్రాన్ బ్యాక్ గ్రౌండ్ మ్యూజిక్ గురించి చెప్పుకోవాలి. ఇలాంటి యాక్షన్ భరిత చిత్రాలకు నేపధ్య సంగీతం చాల ముఖ్యం. ఏ మాత్రం తేడా వచ్చిన సినిమా కే దెబ్బ. అలాంటిది పెద్దగా పేరులేని జిబ్రాన్ ను మ్యూజిక్ డైరెక్టర్ గా డైరెక్టర్ ఎంచుకొని సక్సెస్ అయ్యాడు. తన బ్యాక్ గ్రౌండ్ మ్యూజిక్ తో సినిమా కు ప్రాణం పోసాడు. కాకపోతే పాటలే ఏమాత్రం ఆకట్టుకోలేకపోయాయి. డైరెక్టర్ సుజిత్ విషయానికి వస్తే.. కేవలం ఒకే ఒక సినిమాను డైరెక్ట్ చేసిన ఇతడిని నమ్మి దాదాపు రూ. 350 కోట్లు పెట్టడం పెద్ద సాహసమే. నిర్మాతలు పెట్టిన నమ్మకాన్ని నిలబెట్టుకున్నాడు సుజిత్.

తాను ఎలా అయితే రాసుకున్నాడో అదే ప్రకారం సినిమాను తెరకెక్కించారు. కాకపోతే కథలో కొత్తదనం లేదు. సినిమా మొదలైన కాసేపటికే యాక్షన్ మూవీ అని..గ్యాంగ్ స్టార్ల మధ్య సాగే పోరాటం అని తెలుస్తుంది. ప్రభాస్ ఎంట్రీ..తో సినిమా వేగం పెరుగుతుంది. డైలాగ్స్, కామెడీ , స్క్రీన్ ప్లే విషయంలో సుజిత్ ఇంకాస్త శ్రద్ద పెడితే బాగుండు. కేవలం యాక్షన్ మీదనే ఫోకస్ పెట్టాడు. సినిమా ఆఖరులో వచ్చే ప్రభాస్‌ పాత్రలో రెండో షేడ్‌ ఆసక్తికరంగా ఉండడం అందరికి షాక్ ఇచ్చింది.

తీర్పు..

ప్రభాస్ సినిమా అంటూ భారీ అంచనాలు పెట్టుకోకుండా.. యాక్షన్ థ్రిల్లర్ సినిమాకు వెళ్తున్నామని సరదాగా వెళ్లి.. పూర్తిగా 'సాహో' ఎంజాయ్ చేయండి.

చివరగా... తెలుగు వెండితెర నుండి.. అంతర్జాతీయ రేంజ్ చిత్రం ‘సాహో’..!

Posted: August 30, 2019, 6:37 am
‘మన్మథుడు 2’

విశ్లేషణ

మ‌న్మ‌ధుడు అన్న పేరు విన‌గానే విజ‌య్ భాస్క‌ర్ తెర‌కెక్కించిన క్లాసిక్ గుర్తుకు వ‌స్తుంది. మ‌ళ్లీ అలాంటి క్లాసిక్ తీశారా? అన్న ఆశ అభిమానుల‌కు ఉంది. అయితే ఈ విష‌యంలో కొత్త కుర్రాడు రాహుల్ ర‌వీంద్ర‌న్ త‌డ‌బ‌డ్డాడ‌నే చెప్పాలి. ఇందులో వెన్నెల కిషోర్ తో ఫ‌న్ ని వ‌ర్క‌వుట్ చేయ‌గ‌లిగినా .. క‌థాంశాన్ని గ్రిప్పింగ్ గా న‌డిపించ‌డంలో అత‌డు త‌డ‌బ‌డ్డాడు. క‌థ డ్రైవ్ లో ఫన్నీ సీన్స్ అయితే మాత్రం సినిమా చూసే ప్రేక్షకుడిని ఆధ్యంతం నవ్విస్తాయి.

అలాగే ఫ్యామిలీ ఎమోషన్స్ ఫ‌ర్వాలేద‌నిపిస్తాయి. పోర్చుగ‌ల్ నేప‌థ్యంలో తీశారు కాబ‌ట్టి ఆ బ్యూటీ అబ్బుర‌ప‌రిచింది. ప‌తాక స‌న్నివేశాల్లో ర‌కుల్- నాగ్ సీన్స్ లో ఎమోష‌న్ పండింది. కానీ స్క్రీన్ ప్లే ప‌రంగా ఇంకేదో మ్యాజిక్ చేస్తాడ‌ని ఆశిస్తే అది క‌నిపించ‌దు. అయితే నేరేష‌న్ లో ఏదో మిస్స‌వుతోంది అన్న భావ‌నా ప్రేక్ష‌కుడిని వెంటాడుతుంది. ఎంచుకున్న లైన్ ఓకే కానీ.. న‌డిపించిన విధానంలో ఇంకాస్త జాగ్ర‌త్త తీసుకుని ఉంటే బావుండేది.

నటీనటుల విషాయానికి వస్తే..

ఆరు పదుల వయస్సు దగ్గర పడుతున్నా హాండ్సమ్ లుక్ ను మెంటెయి్ చేసే కొద్ది మంది హీరోలలో అగ్రనటుడు నాగార్జున ఒకరని చెప్పక తప్పదు. ఈ సినిమాలోనే ఆయన టైటిల్ కు తగ్గట్టుగానే స్మార్ట్ గా కనిపించి మరోమారు అమ్మాయిల కలల వీరుడు తానేనని ప్రూవ్ చేసుకున్నాడు. ఇక ఈ చిత్రంలో ఆయన న‌ట‌న సినిమాకి ప్రధాన ఆకర్షణ‌.

ఆయ‌న మ‌ధ్య వ‌య‌స్కుడిని అని గుర్తు చేస్తూనే ప్లేబాయ్ పాత్రలో ఆక‌ట్టుకున్నారు. లేటు వయస్సులో ఘాటు ప్రేమను తెరపై పండించడంలో ఆయన నటన సహజంగానే ప్రేక్షకులను అకట్టుకుంది. రొమాంటిక్ స‌న్నివేశాలతో పాటు, భావోద్వేగాలు కూడా చక్కగా పండించారు. వెన్నెల కిషోర్ క‌థానాయ‌కుడితోపాటే క‌నిపిస్తూ చ‌క్కటి వినోదాన్ని పండించారు. కామెడీ విష‌యంలో ఆయ‌న‌కే ఎక్కువ మార్కులు ప‌డ‌తాయి.

స్వతంత్రంగా బ్రతికే ఒక బలమైన యువతిగా రకుల్ న‌ట‌న ఆక‌ట్టుకుంటుంది. మునుప‌టితో పోలిస్తే ఎంతో ప‌రిణ‌తితో న‌టించింది. ఆమె నేటిత‌రం అమ్మాయిగా కామెడీ పండిస్తూనే, అందులో భావోద్వేగాల్ని కూడా చ‌క్కగా పండించారు. ఇక గ్లామ‌ర్ ప‌రంగానూ యూత్ కి ట్రీటిచ్చింద‌నే చెప్పాలి. వెన్నెల కిషోర్ అద్భుత‌మైన‌ టైమింగ్ తో క‌డుపుబ్బా న‌వ్వించాడు. అతిథి పాత్రల్లో కీర్తి సురేశ్‌, సమంత  మెరుస్తారు. ల‌క్ష్మి, ఝాన్సీ, దేవ‌దర్శిని పాత్రల ప‌రిధి మేర‌కు న‌టించారు. రావు ర‌మేష్ తమ పరిధికి తగినట్లుగా న‌టించి మెప్పించారు.

{youtube}v=4hClf9HRlpk|620|400|1{/youtube}

టెక్నికల్ అంశాలకు వస్తే..

నిర్మాణ విలువ‌ల ప‌రంగా క్వాలిటీగా ఉంది. చైత‌న్ భ‌రద్వాజ్ సంగీతం, సుకుమార్ కెమెరా ప‌నిత‌నం చిత్రానికి ప్రధానబ‌లం. ముఖ్యంగా పోర్చుగ‌ల్ అందాల్ని సుకుమార్ కెమెరాలో బంధించిన తీరు ఆక‌ట్టుకుంటుంది. ద‌ర్శకుడిగా రాహుల్ ర‌వీంద్రన్ తొలి సినిమా కావడం.. అందులోనూ నాగార్జున వంటి అగ్రహీరోతో చిత్రీకరణ చేయడంలో కాసింత తగబడ్డాడని చెప్పక తప్పదు. త‌నది కాని క‌థ అయినప్పటికీ దాన్ని బాగా అర్థం చేసుకున్నారు.

అయితే సినిమాకు నాగార్జున- వెన్నెల కిషోర్ మధ్య నడిచే కామెడీ ట్రాక్ ప్రేక్షకులను కడుబుబ్బ నవ్విస్తుంది. సున్నిత‌మైన అంశాల్ని డీల్ చేయ‌డంలోనూ తానెంత ప‌ర్‌ఫెక్టో చాటిచెప్పారు దర్శకుడు. అక్కడ ఈ సినిమాకి ద‌ర్శకుడిగా రాహుల్ ర‌వీంద్రన్‌ని నాగ్ ఎందుకు ఎంచుకున్నారో మ‌రింత బాగా అర్థం అవుతుంది. సుకుమార్ సినిమాటోగ్ర‌ఫీ ప్ల‌స్. మిగ‌తా విభాగాలు ఓకే. ద‌ర్శ‌కుడిగా రాహుల్ మ‌రింత బెట‌ర్‌మెంట్ చూపించాల్సి ఉంటుంది.

తీర్పు..

లేటు వయస్సులో ఘాటు ప్రేమను అందుకున్న మన్మథుడు పర్వాలేదనిపించాడు..

చివరగా... ముదిరిన బెండకాయ రోమాన్స్ ఆకట్టుకుంటుంది..!

Posted: August 9, 2019, 5:36 pm
‘గుణ 369’

విశ్లేషణ

ప్రేమ కథల్లో మాస్ ఎలిమెంట్స్ మిక్స్ చేసి సినిమా తీయడం కొత్తేమి కాదు. దర్శకుడు అర్జున్ జంధ్యాల తొలి ప్రయత్నంలో చేసిన రిస్కీ సినిమా ఇదని చెప్పకతప్పదు. ఫస్ట్ హాఫ్ మొదలుపెట్టిన లవ్ స్టోరీ చాలా రొటీన్ గానే ఉన్నప్పటికీ సాధ్యమైనంత మేరకు లైట్ ఎంటర్ టైన్మెంట్ టచ్ తో  ఈ ట్రాక్ ని నడిపించాడు. అయితే అది వర్క్ అవుట్ కాకపోగా.. అసలు కథ ఎప్పుడు మొదలవుతుందా అని ప్రేక్షకుడు ఎదురు చూసేలా చేసింది.

చిత్రంలోని పాత్రల ఎస్టాబ్లిష్ మెంట్ కే చాలా టైం తీసుకోవడంతో ప్రథమార్థం వచ్చే దాక ఇదంతా ఏంటి అనే ఫీలింగ్ సగటు ప్రేక్షకుడికి కలుగుతుంది. రాధా గుణలు ట్రాప్ లో పడే సీన్ వచ్చేదాకా అసలు కథ ఎంతకీ ముందు కదలక బోరింగ్ ఇంగ్లీష్ సినిమాను తలపిస్తుంది. దానికి తోడు హీరో హీరొయిన్ మధ్య ఘాడమైన ప్రేమను చూపాలనుకున్న దర్శకుడు దానికి పేలవమైన ట్రాక్ రాసుకోవడంతో ఆ ప్రభావం హీరో కార్తికేయ, హీరొయిన్ అనఘా మీద పడింది.

ఈ చిత్రంలో ప్రధానంగా చెప్పుకోవాల్సిన ఒకే ఒక్క ప్లస్ పాయింట్.. చిత్రంలో ట్విస్ట్ ని రివీల్ చేశాకా హీరో ఎలా రివెంజ్ తీర్చుకుంటాడా అనే ఆసక్తిని రేపుతుంది. అయితే ఇదే టెంపో ఫస్ట్ హాఫ్ లోనూ మైంటైన్ చేసుంటే గుణ 369 ఇంకో లెవెల్ లో ఉండేది. తన జీవితాన్ని సర్వనాశనం చేసి ఆఖరికి తన కుటుంబాన్ని చంపేందుకు కూడా సిద్ధపడిన రౌడీలను ధీటుగా ఎదురుకునే హీరో విలన్ తల్లి కర్తవ్యబోధ చేసే దాకా తానేం చేయాలో గుర్తించలేకపోవడం పాత్ర ఔచిత్యాన్ని దెబ్బ తీసింది.

దానికి తోడు ఇంచుమించు ఇలాంటి ప్లాట్ గతంలో కార్తి నా పేరు శివలో చూసిందే. రెండింటిలోనూ థీమ్ పరంగా ఉన్న సిమిలారిటీని ప్రేక్షకుడు ఈజీగానే గుర్తుపడతాడు. కాకపోతే దానికి మాస్ టచ్ ఇచ్చి గొప్ప లవ్ స్టొరీని లింక్ చేద్దామనుకున్న అర్జున్ జంధ్యాల ప్రయత్నం పూర్తి ఫలితాన్ని ఇవ్వలేదనే చెప్పాలి. ఇక నాలుగు సార్లు చొక్కా విప్పి బాడీ బిల్డింగ్ చేసే హీరోను చూస్తే అలా అర్ధనగ్నంగా కనిపించాలి కాబట్టి బలవంతంగా ఆ సీన్లను రాసుకున్నట్టు ఉంది.

ఆఖరికి నిద్రలేచే ఇంట్రో సీన్ ని కూడా తన శరీర ప్రదర్శనకే వాడుకోవడం ఎందుకో వారికే తెలియాలి. అయితే గుణ 369లో కొంతైనా కాపాడే అంశం ఏదైనా ఉంది అంటే అది క్లైమాక్స్ ఒక్కటే. తాను చెప్పాలనుకున్న పాయింట్ ని ఇక్కడ దర్శకుడు స్ట్రాంగ్ గా ప్రెజెంట్ చేశాడు. లైంగిక వేధింపులకు శిక్ష ఎలా ఉండాలనేది ఆమోదయోగ్యంగా లేకపోయినా ఇంతకన్నా వేరే ప్రత్యాన్మాయం లేదనే తరహాలో డిజైన్ చేసిన తీరు బాగుంది. ఇక్కడొక్కటే కాస్త ఎమోషనల్ గా కనెక్ట్ అయ్యే ఛాన్స్ మిగిలింది

నటీనటుల విషాయానికి వస్తే..

కార్తికేయకు ఆరెక్స్ 100 తర్వాత దక్కిన మరోమంచి రోల్ గా దీన్ని చెప్పుకోవచ్చు. ఫస్ట్ హాఫ్ లో ఓ సగటు యువకుడిగా సెకండ్ హాఫ్ లో ప్రతీకారంతో రగిలిపోతూ ఆవేశం నింపుకున్న ప్రేమికుడిలా రెండు షేడ్స్ ని బాగానే క్యారీ చేశాడు. కొన్ని హెవీ ఎమోషన్స్ ఉన్న సీన్స్ లో అక్కడక్కడా కొంత ఇబ్బంది పడినట్టు అనిపించినప్పటికీ చాలామటుకు కవర్ చేసుకుంటూ వచ్చాడు. అయితే డిక్షన్ పరంగా ఇతను మెరుగుపడాల్సింది చాలా ఉంది. అక్కడక్కడా అవసరం లేకపోయినా కొంత నత్తిగా సాగదీసినట్టుగా మాట్లాడే పద్ధతి మార్చుకోవాలి. హీరోయిన్ అనఘా లుక్స్ పరంగా పక్కింటి తెలుగమ్మాయిలా బాగుంది. మొహంలో ఎక్స్ ప్రెషన్లు బాగానే పలికాయి. కాకపోతే పాత్ర పరిధి తక్కువగా ఉండటంతో తన గురించి పూర్తిగా జడ్జ్ చేసే అవకాశం ఇవ్వలేదు దర్శకుడు. సీన్ల కంటే పాటలే ఎక్కువ ఇచ్చారు తనకు.

ఆశ్చర్యకరంగా రంగస్థల మహేష్ ఇందులో షాకింగ్ రోల్ చేయడం  అసలు ట్విస్ట్. తన స్థాయికి మించినదే అయినప్పటికీ ఫైనల్ గా మెప్పిస్తాడు కానీ క్రూరత్వం కన్నింగ్ నెస్ తో పాటు ఫిజిక్ పరంగా స్ట్రాంగ్ గా ఉన్న వేరే యాక్టర్ ను తీసుకుంటే బెటర్ ఛాయస్  అనిపిస్తుంది. కానీ ఇతను కూడా పూర్తిగా నిరాశపరచలేదు. ఉన్న ఫస్ట్ హాఫ్ లో గద్దల గుట్ట రాధాగా ఆదిత్య మీనన్ తన భారీ విగ్రహంతో డైలాగ్ డెలివరీతో భయపెట్టాడు. తన సీనియారిటీ ఉపయోగపడింది. అతని తల్లిగా మంజుల కొన్ని సీన్లకే పరిమితం. సీనియర్ నరేష్ - హేమలకు రొటీన్ పాత్రలే. చేసుకుంటూ పోయారు. శివాజీరాజా కనిపించేది కాసేపే అయినా ఉనికిని చాటుకున్నాడు. ఇక అసలు విలన్లుగా నటించిన కుర్రాళ్ళలో ఒకరిద్దరు తప్ప మిగిలినవాళ్లలో అనుభవలేమి స్పష్టంగా కనిపిస్తుంది.

{youtube}v=E7aYrIybfT4|620|400|1{/youtube}

టెక్నికల్ అంశాలకు వస్తే..

‘దర్శకుడు అర్జున్ జంధ్యాల ఎంచుకున్న థీమ్ లో మెసేజ్ ఉంది కానీ అసలు పాయింట్ లో కొత్తదనం లేకపోవడమే గుణ 369లోని ప్రధాన లోపం. రివెంజ్ డ్రామా మీద ఫోకస్ పెట్టుకున్న అర్జున్ జంధ్యాల అసలైన క్రైమ్ థీమ్ చుట్టూ అల్లుకున్న కారణాలు కన్విన్సింగ్ గా లేకపోవడంతో ఇదో మాములు సగటు చిత్రంగా మిగిలిపోయింది. నా పేరు శివలో ఉన్న స్టోరీ ఇంటెన్సిటీ తో పాటు పెర్ఫార్మన్స్ తో ఆర్టిస్టులు  ఇచ్చిన సపోర్ట్ బలంగా ఉండటం వల్ల అది మెప్పించింది.  కానీ ఇందులో అవి మిస్ కావడంతో గుణ 369 అంచనాలు అందుకోవడంలో సక్సెస్ కాలేకపోయింది. హీరోని సూపర్ మ్యాన్ లా చూపించాలా కామన్ మ్యాన్ లా చూపించాలా అనే కన్ఫ్యూజన్ లో కథనాన్ని పక్కదారి పట్టించడం ఓవరాల్ గా గుణ 369ని దెబ్బ తీసింది. కేవలం ఇరవై నిమిషాల రివెంజ్ డ్రామా కోసం మిగిలిన రెండు గంటల ప్రహసనాన్ని భరించడం ఎంతవరకు ప్రేక్షకులు చేయగలరో అదే బాక్స్ ఆఫీస్ ఫలితాన్ని శాశించబోతోంది

చేతన్ భరద్వాజ్ సంగీతం బ్యాక్ గ్రౌండ్ స్కోర్ వరకు పర్వాలేదు అనిపించినా పాటల వరకు పూర్తిగా తేలిపోయింది. దానికి తోడు చిత్రీకరణ అంతంతమాత్రంగానే ఉండటంతో ప్లస్ కాలేకపోయాయి. రామ్ రెడ్డి ఛాయాగ్రహణం బాగుంది. ప్రొడక్షన్ వాల్యూస్ తక్కువగా ఉన్నప్పటికీ వాటిని కాపాడే ప్రయత్నం బాగా చేసింది. తమ్మిరాజు ఎడిటింగ్ ఫస్ట్ హాఫ్ లో మొహమాటపడకపోయి ఉంటే ఇంకొంచెం బెటర్ ఫీల్ కలిగేది. అర్జున్ జంధ్యాల డైలాగ్స్ లో అక్కడక్కడా మెరుపులు తప్ప రైటింగ్ కూడా వీక్ గానే ఉంది. నిర్మాణ విలువలు సబ్జెక్ట్ తగ్గట్టు ఉన్నాయి.

తీర్పు..

గుణ 369 ఓ మోస్తరు అంచనాలని సగం మాత్రమే అందుకునే ఒక మాములు రివెంజ్ డ్రామా.

చివరగా... అర్జున్ జంధ్యాల మరింత వర్క్ అవుట్ చేసింటే బాగుండేది..!

Posted: August 3, 2019, 1:33 pm
‘రాక్షసుడు’

విశ్లేషణ

మక్కీ టు మక్కీ అనే పదం రాక్షసుడు చిత్రానికి సరిగ్గా సరిపోలుతుంది. తెలుగు సినమాల రీమేక్ చరిత్రలో ఈ మాటకు నూటిక ినూరు శాతం న్యాయం చేసిన చిత్రాల్లో రాక్షసుడు ఒకటిగా నిలుస్తుందంటే అతిశయెక్తి కాదు. సీన్ టు సీన్, కథకు కథను మక్కి కోట్టే దర్శకులకు కొదవలేకపోయినా.. ఈ దర్శకుడు మాత్రం ఫ్రేమ్ టు ప్రేమ్, షాట్ టు షాట్ కాఫీ కోట్టేసి.. ఇలా చేయడంలో తనకు తానే దిట్ట అని నిరూపించుకున్నాడు. ఈ విషయానికి వస్తే.. చిత్ర టైటిట్ తోపాటు హీరో పేరు కూడా మక్కీగానే పెట్టేశాడు. అంతేకాదు కొన్ని సీన్లను యథాతథంగా వాడేసుకున్నారు. దర్శకుడు రమేష్ వర్మ దాదాపుగా ఒక జిరాక్స్ కాపీ తీసి పెట్టేశాడని చెప్పొచ్చు.

అందుకేనేమో కథ మాత్రమే కాదు.. స్క్రీన్ ప్లే క్రెడిట్ సైతం తమిళ డైరెక్టర్ రామ్ కుమార్ కే ఇచ్చేశాడు. కాబట్టి తెలుగు వెర్షన్ లో మార్పులు చేర్పుల గురించి మాట్లాడుకునే అవసరమే లేదు. పోలికల గురించి కూడా చర్చే లేదు. ఇదొక రీమేక్ అన్న సంగతి పక్కన పెట్టి మామూలుగా చూస్తే.. థ్రిల్లర్ ప్రియులను మెప్పించే చిత్రమిది. సైకో కిల్లర్ కథలతో ‘రాక్షసుడు’కు కొంచెం సారూప్యతలు ఉన్నప్పటికీ.. ప్రేక్షకుల్ని ఆద్యంతం గెస్సింగ్ లో ఉంచే సస్పెన్స్ ఎలిమెంట్.. మలుపులు.. బిగువైన స్క్రీన్ ప్లే ‘రాక్షసుడు’ను ఎంగేజింగ్ గా మార్చాయి.

సస్పెన్స్ థ్రిల్లర్లలో ఉండాల్సిన ప్రధాన లక్షణం.. వాట్ నెక్స్ట్ అని ప్రేక్షకుల్లో ఉత్కంఠ రేకెత్తించడం. ఈ విషయంలో ‘రాక్షసుడు’ సక్సెస్ అయింది. ఇందులో స్క్రీన్ ప్లేది కీలక పాత్ర. ప్రథమార్ధంలో అమ్మాయిలు ఒక్కొక్కరే అదృశ్యం కావడం.. హత్యకు గురవడం వరకు రొటీన్ గానే అనిపిస్తుంది. ఒక మామూలు థ్రిల్లర్ సినిమానే చూస్తున్న భావన కలుగుతుంది. కానీ ఈ హత్యల వెనుక ఉన్నది ఎవరనే విషయాన్ని విషయాన్ని రివీల్ చేయడానికి ముందు వచ్చే మలుపులు మాత్రం ఉత్కంఠ రేకెత్తిస్తాయి.

టీచర్ పాత్రతో పోలీసులతో పాటు ప్రేక్షకుల్ని కూడా పక్కదోవ పట్టించి.. ఆ తర్వాత కథను మలుపు తిప్పిన తీరు ఆకట్టుకుంటుంది. ప్రేక్షకులు ఏదో అనుకుంటే ఇంటర్వెల్ ముంగిట దానికి భిన్నమైన ట్విస్ట్ రావడంతో ద్వితీయార్ధం మీద ఆసక్తి పెరుగుతుంది. రెండో అర్ధంలో కథ మరిన్ని మలుపులు తిరుగుతూ.. స్క్రీన్ ప్లే మరింత బిగువుగా మారి ‘రాక్షసుడు’ ప్రేక్షకులకు కావాల్సినంత థ్రిల్ ఇస్తుంది. ఫ్లాష్ బ్యాక్ ఎపిసోడ్ కొంత కృత్రిమంగా అనిపించినప్పటికీ అందులోని కొన్ని దృశ్యాలు.. ఆ తర్వాత కథలోని మేజర్ ట్విస్ట్ ఒళ్లు జిల్లుమనేలా చేస్తాయి.

ఐతే థ్రిల్లర్ సినిమాలకు నిడివి విషయంలో కొంత నియంత్రణ అవసరం. ఒకే ఒక పాట ఉన్న సినిమా రెండున్నర గంటలు సాగితే ఇబ్బందే. కథ నుంచి పెద్దగా డీవియేషన్ లేకపోయినా.. దాదాపుగా అన్ని సన్నివేశాలూ కథకు అవసరమైనవే అయినప్పటికీ.. చివరికి సినిమా అయ్యేసరికి ‘లెంగ్తీ’ అనే ఫీలింగ్ కలుగుతుంది. కొన్ని సన్నివేశాల్లో సాగతీత బిగిని దెబ్బ తీసింది. ఫ్లాష్ బ్యాక్ ఎపిసోడ్ బాగున్నట్లే అనిపిస్తుంది కానీ.. అది సహజంగా లేదు. ప్రి క్లైమాక్స్.. క్లైమాక్స్ లెంగ్తీగా అనిపిస్తాయి.

నటీనటుల విషాయానికి వస్తే..

బెల్లంకొండ శ్రీనివాస్ తనకు అలవాటైన రీతిలో కాకుండా.. ఏ బిల్డప్ లేకుండా చాలా మామూలుగా నటించాడు. పాత్రలో ఒదిగిపోయే ప్రయత్నం చేశాడు. ఐతే డైలాగ్ డెలివరీలో - హావభావాలు పలికించడంలో మొదట్నుంచి ఉన్న కొన్ని బలహీనతల వల్ల శ్రీనివాస్ అక్కడక్కడా కొంచెం ఇబ్బంది పడ్డాడు కానీ.. ఉన్నంతలో బాగానే చేశాడు. అతడిపై ఉన్న నెగెటివిటీ కొంత వరకు ఈ సినిమా తగ్గిస్తుంది. తన మేనకోడలిని దిగ్భ్రాంతికర రీతిలో చూసినపుడు శ్రీనివాస్ హావభావలు బాగున్నాయి. పోలీస్ పాత్రకు శ్రీనివాస్ బాగా ఫిట్ అయ్యాడు.

అనుపమ పరమేశ్వరన్ ది చాలా పరిమితులున్న పాత్ర. ఉన్నంతలో బాగా చేసింది కానీ.. మంచి నటి అయిన ఆమెకు పెద్దగా స్కోప్ లేకపోవడం అభిమానుల్ని నిరాశ పరుస్తుంది. రాజీవ్ కనకాల ఒక సీన్లో అద్భుతంగా చేశాడు. లేడీ పోలీసాఫీసర్ పాత్రలో చేసిన నటి ఆకట్టుకుంది. విలన్ పాత్ర ధారి పూర్తిగా మేకప్ లో మునిగిపోయాడు కాబట్టి ఎలా చేశాడని చెప్పడం కష్టం. మిగతా నటీనటులంతా ఓకే.

{youtube}v=DF6dmkWXTlY|620|400|1{/youtube}

టెక్నికల్ అంశాలకు వస్తే..

‘రాక్షసుడు’ సినిమాకు స్క్రిప్టు తర్వాత అతి పెద్ద బలం.. జిబ్రాన్ నేపథ్య సంగీతమే. బ్యాగ్రౌండ్ స్కోర్ విషయంలో ఇప్పటికే చాలా సినిమాల్లో తనదైన ముద్ర వేసిన జిబ్రాన్.. ఈ సైకో థ్రిల్లర్ మూవీలో టాప్ క్లాస్ ఔట్ పుట్ తో శభాష్ అనిపించుకున్నాడు. పియానో థీమ్ తో సినిమాలో సస్పెన్స్ ఎలిమెంట్ ను నడిపించిన తీరు సినిమాలో మేజర్ హైలైట్. ఆ సౌండ్స్ కొన్ని చోట్ల ఒళ్లు గగుర్పొడిచేలా చేస్తాయి. థియేటర్ నుంచి వచ్చాక కూడా వెంటాడుతాయి. చాలా సన్నివేశాల్ని బ్యాగ్రౌండ్ స్కోర్ తో ఎలివేట్ చేశాడతను.

వెంకట్ సి.దిలీప్ ఛాయాగ్రహణం కూడా బాగుంది. అతను దాదాపుగా ఒరిజినల్ నే ఫాలో అయినట్లున్నాడు. థ్రిల్లర్ సినిమాలకు తగ్గ మూడ్ క్రియేట్ చేయడంలో కెమెరా కీలక పాత్ర పోషించింది. నిర్మాణ విలువలు బాగున్నాయి. దేవిశ్రీ ప్రసాద్ తమ్ముడు సాగర్ సంభాషణలు మామూలే. తమిళ డైలాగుల్ని తర్జుమా చేసినట్లున్నాడు. ప్రత్యేకంగా చెప్పుకునే డైలాగులేమీ లేవు. దర్శకుడు రమేష్ వర్మ సెట్లో  ‘రాక్షసన్’ సినిమా ఒక పక్క ప్లే చేస్తూ ఇంకో పక్క షూటింగ్ చేశాడేమో అనిపించేలా ఫ్రేమ్ టు ఫ్రేమ్ దించేశాడు. దర్శకుడిగా అతడి పనితనం గురించి మాట్లాడేదేమీ లేదు. కాకపోతే మాతృకను చెడగొట్టకుండా తన బాధ్యతను నిర్వర్తించాడు.

తీర్పు..

బెల్లంకొండ విభిన్న కథకు సస్పెన్స్ తోడైన ప్రేక్షకులకు ఎలా అకట్టుకుందో వేచిచూడాలి.

చివరగా... సస్పెన్స్ ధ్రిల్లర్ తో మెప్పించిన బెల్లంకొండ..!

Posted: August 3, 2019, 1:17 pm
‘ఏబీసీడీ’

విశ్లేషణ

డ‌బ్బంటే లెక్క లేని కుర్రాడికి చేతిలో చిల్లిగ‌వ్వ కూడా లేని ప‌రిస్థితులు వ‌స్తే? డాల‌ర్ల కొద్దీ ఖ‌ర్చు పెడుతూ జల్సాలు చేసిన  కుర్రాడు.. ప్రతి పైసాని లెక్క పెట్టుకుంటూ నెట్టుకురావాల్సి వ‌స్తే?.. ఇలా ఎంతో ఆస‌క్తిని రేకెత్తిస్తూ క‌థ చెప్పడానికి క‌డుపుబ్బా న‌వ్వించ‌డానికి త‌గిన వేదికే ఈ క‌థ. కొంత‌కాలం కింద‌ట వ‌చ్చిన ‘పిల్ల జ‌మిందార్’ సినిమాలో ఇలాంటి సంద‌ర్భాల్నే ఉప‌యోగించుకుంటూ చ‌క్కటి వినోదం పండించారు. కానీ, ఇక్కడ మాత్రం చిత్రబృందం విఫ‌ల‌య‌త్నం చేసింది. ఎత్తుగ‌డ బాగున్నా... ఆ త‌ర్వాత స‌న్నివేశాల్ని ఆస‌క్తిక‌రంగా తీర్చిదిద్దలేక‌పోయారు. అక్కడ‌క్కడా కాసిన్ని న‌వ్వులు పండాయి త‌ప్ప హాస్యం ప‌రంగా కూడా పెద్దగా  ప్రభావం చూపించ‌లేక‌పోయింది ఈ చిత్రం.

అమెరికా జ‌ల్సా జీవితాన్ని కానీ... ఇండియాకి వ‌చ్చాక డ‌బ్బు లేక క‌థానాయ‌కుడు ప‌డే పాట్లని కానీ స‌హ‌జంగా తీర్చిదిద్దలేక‌పోయారు ద‌ర్శకుడు. దాంతో క‌థ‌తో ప్రేక్షకుడు ఏ ద‌శ‌లోనూ క‌నెక్ట్ అవ్వడు. స‌న్నివేశాలు పేర్చుకుంటూ వెళ్లిన‌ట్టే అనిపిస్తుంది త‌ప్ప సినిమాలో ఎలాంటి వినోదం పండ‌దు. స‌బ్ ప్లాట్ గా పొలిటిక‌ల్ డ్రామా కూడా ఉంటుంది. దాన్ని అస‌లు క‌థ‌కి మేళ‌వించిన విధానం కూడా అత‌క‌లేదు. రోజుకి రూ.82 రూపాయ‌ల‌తో బ‌తుకుతున్నాన‌ని క‌థానాయ‌కుడు చెబుతుంటాడు కానీ.. అత‌ని లుక్ కానీ, గ‌డిపే జీవితం కానీ అలా ఉండ‌దు. హీరోహీరోయిన్ల మ‌ధ్య ప్రేమ చిగురించే స‌న్నివేశాల్లోనూ స‌హ‌జ‌త్వం లేదు. ఇక‌పై మ‌నం ఫ్రెండ్స్ అంటారు, ఆ వెంట‌నే క‌థానాయిక‌ని చూసి క‌న్ను కొట్టేస్తాడు హీరో.

ప్రతినాయ‌కుడు దుబాయ్ లో ప‌వ‌ర్‌ ఫ్యాక్టరీలు న‌డుపుతూ వేల కోట్లు సంపాదిస్తుంటాడు కానీ అత‌ను ఎన్నిక‌ల్లో గ‌ట్టెక్కాలంటే కాలేజీ విద్యార్థుల నుంచి ఫీజులు వ‌సూలు చేయ‌డం త‌ప్ప మ‌రో మార్గం లేద‌న్నట్టుగా ఆ పాత్రని తీర్చిదిద్దారు. మొత్తంగా చూస్తే మాతృక‌ని అర్థం చేసుకొన్న విధానమే స‌రిగ్గా లేదేమో అనిపిస్తుంది. వెన్నెల కిషోర్ కామెడీ సినిమాకి హైలైట్‌. యూట్యూబ్ లో ప్రాచుర్యం పొందిన ఓ వీడియో స్ఫూర్తితో తెర‌కెక్కించిన ఆ స‌న్నివేశాలు బాగా న‌వ్విస్తాయి.

నటీనటుల విషాయానికి వస్తే..

క‌థానాయ‌కుడు అల్లు శిరీష్  త‌న పాత్రలో ఒదిగిపోయే ప్రయ‌త్నం చేశాడు. ఆయ‌న‌కి స్నేహితుడిగా భ‌ర‌త్ న‌టించాడు. ఇద్దరూ క‌లిసి చేసిన సంద‌డి అక్కడక్కడా న‌వ్విస్తుంది. క‌థానాయిక రుక్సార్ ధిల్లన్ అందంగా క‌నిపించింది త‌ప్ప ఆమె పాత్రకి పెద్దగా ప్రాధాన్యంలేదు. ప్రతినాయ‌కుడిగా సిరివెన్నెల సీతారామ‌శాస్త్రి త‌న‌యుడు రాజా న‌టించారు. యువ రాజ‌కీయనాయ‌కుడి పాత్రలో ఆయ‌న క‌నిపించిన విధానం బాగుంది. వెన్నెల కిషోర్ పాత్ర ప‌రిమిత‌మే అయినా బాగా న‌వ్వించారు. నాగ‌బాబు త‌దిత‌రులు పాత్రల ప‌రిధి మేర‌కు న‌టించారు.

{youtube}Ar1r4Nf-0sg|620|400|1{/youtube}

టెక్నికల్ అంశాలకు వస్తే..

ఇక్కడ మొదట చెప్పుకోవాల్సింది దర్శకుడి గురించే. మలయాళంలో సూపర్ హిట్ అయిన చిత్రానికి మార్పులు చేసిన నేటివీటికీ తగ్గట్టుగా రీమేక్ చేసినా.. కథనం మాత్రం అతికించినట్లు కనబడుతోంది. క‌థ‌, క‌థ‌నాల విష‌యంలో ఆయ‌న చేసిన క‌స‌ర‌త్తులు ఏమాత్రం స‌రిపోలేదు. క‌థ విష‌యంలో ప‌లువురు ద‌ర్శకుల స‌ల‌హాలు తీసుకున్నా ఆ ప్రభావం సినిమాపై పెద్దగా క‌నిపించ‌లేదు. అయితే సాంకేతిక పరంగా మాత్రం సినిమా బాగుండి. సినిమా స్థాయికి త‌గ్గట్టే నిర్మాణ విలువ‌లు ఉన్నాయి. కన్నడ సంగీత దర్శకుడు జుడా సాండీ అందించిన సంగీతం బాగుంది. ఇక సిద్ శ్రీ రామ్ పాడిన ‘మెల్ల మెల్ల మెల్ల మెల్లగా’ పాటతో పాటు నేపథ్యం సంగీతం కూడా ఆకట్టుకుంటుంది. రామ్ సినిమాటోగ్రఫి సినిమాకు మరో ప్లస్‌ పాయింట్‌. అమెరికాలో తెరకెక్కించిన సీన్స్‌తో పాటు హైదరాబాద్‌ లో తెరకెక్కించిన సన్నివేశాలను కూడా కలర్‌ఫుల్‌గా తెరకెక్కించారు సినిమాటోగ్రాఫర్ రామ్‌.

తీర్పు..

బ్రేక్ కోసం తపిస్తున్న శిరీష్ ఈ సినిమాలో అతికినట్టు ఉండే ప్రయత్నాలకు ప్రేక్షకులు ఎన్ని మార్కులు వేస్తారో వేచిచూడాలి.

చివరగా... కామెడీ ఇంకాస్త పండిస్తే సూపర్ హిట్టే..!

Posted: May 17, 2019, 2:54 pm
‘మహర్షి’

విశ్లేషణ

మ‌హేష్ కెరీర్ లో మైల్ స్టోన్ గా నిలిచే 25వ సినిమాలో కథతో పాటు అందులోని అంశాలతో ప్రేక్షకులను కట్టిపడేసేలా వుంది. మరోలా చెప్పాలంటే.. కమర్షియల్ చిత్రంలో మంచి పాయింట్స్ చెప్పే ప్రయత్నం చాలా బాగుందని, ఇకపై ఇలాంటి సినిమాలే రావాలని ప్రేక్షకులు కోరుకునేలా వుంది. అటు విద్యారంగం, ఇటు కర్షకుల సమస్యలను మధ్య ఓ సగటు మధ్యతరగతి వ్యక్తి ఎలా ప్రపంచాన్ని ఏలాడు.. అందుకు అతనికి ఊతమిచ్చిన అంశాలు ఏమిటన్నది చూపడంలో దర్శకుడు వంశీ నూటికి నూరు మార్కులు కొట్టేశాడు.

సీఈఓగా రిషిని ప‌రిచ‌యం చేసే స‌న్నివేశాలు చాలా స్టైలిష్ గా ఉన్నాయి. ఫ్లాష్ బ్యాక్ మొద‌లు నుంచే సినిమా కథలోకి వెళ్తుంది. సీఈఓగా, విద్యార్థిగా అప్ప‌టిక‌ప్పుడు త‌న పాత్రలోనే రెండు వేరియేష‌న్స్ చూపించాడు మ‌హేష్‌. స్నేహం, ప్రేమ‌లాంటి ఎమోష‌న్స్ పండిస్తూనే విద్యా వ్య‌వ‌స్థ తీరు తెన్నుల‌ను ప్ర‌శ్నించే ప్ర‌య‌త్నం చేశాడు. కాలేజీ నేప‌థ్యం, ముగ్గురు వ్యక్తుల మ‌ధ్య స్నేహం, విద్యావ్య‌వ‌స్థ‌పై వ్యంగ్య బాణాలు సంధించడం ప్రేక్షకులను కూడా అలోచనలో పడేసింది. విశ్రాంతికి ముందు స‌న్నివేశాలు మెలోడ్రామా ప్ర‌ధానంగా సాగాయి. ఎమోషన్స్ ని పండించాయి.

తొలి స‌గంలో విద్యావ్య‌వ‌స్థ‌ని ప్ర‌శ్నించిన రిషి - ద్వితీయార్ధంలో రైతు స‌మ‌స్య‌ల‌పై పోరాటం చేస్తాడు. దేశానికి వెన్నెముక అని చెప్పుకునే రైతుల దీన‌స్థితిని క‌ళ్ల‌కు క‌ట్టారు. రిషి ల‌క్ష్యం, ఆశ‌య సాధ‌న‌కు ఎంచుకున్న మార్గం... ఆలోచ‌న‌లో ప‌డేస్తాయి. అయితే నిడివి అధికంగా వుండటంతో కొంత నెమ్మదిగా.. సాగదీతగా కనిపించక తప్పదు. ఈ క‌థ‌కు కీల‌కం అనుకున్న మ‌హేష్ - న‌రేష్ ఎపిసోడ్ లో ఎమోషన్స్‌ ఇంకాస్త బాగా పండాల్సింది. సినిమా క్లైమాక్స్ కూడా రొటీన్ గా వున్నట్లు అనపిస్తుంది.

నటీనటుల విషాయానికి వస్తే..

ప్రిన్స్ మహేష్ బాబు తన కెరీర్ లో ఓ మైలురాయిలా నిలిచే తన 25 చిత్రాన్ని ఎంచుకోవడంలోనే మంచి మార్కుటు కోట్టేశాడు. వంశీ పైడిపల్లి, హరి, అహిషోర్‌ సాల్మన్‌ లు రచించిన కథకు న‌టుడిగా మ‌హేష్‌ ప్రాణం పోశాడు. త‌న‌లోని నటనావైవిధ్యాన్ని చూపించేందకు అవ‌కాశం ద‌క్కింది. త‌న పాత్ర‌లో మూడు షేడ్స్ ఉంటాయి. ఒక్కో షేడ్‌లో ఒక్కోలా క‌నిపిస్తాడు. సీఈఓగా స్టైలిష్‌గా క‌నిపించిన మ‌హేష్ - విద్యార్థిగా మాస్‌ని అల‌రిస్తాడు. రైతు స‌మ‌స్య‌లపై పోరాటం చేస్తున్న‌ప్పుడు త‌న‌లోని సిన్సియారిటీ క‌నిపిస్తుంది.

మ‌హేష్ తెర‌పై మ‌రింత అందంగా క‌నిపించాడు. త‌న వ‌ర‌కూ అభిమానుల్ని అల‌రించే ప్ర‌య‌త్నం చేశాడు. కథానాయకుడిగా సరైన విజయం అందుకుని చాలా కాలమైన అల్ల‌రి న‌రేష్‌కి ఇందులో వైవిధ్య‌భ‌రిత‌మైన పాత్ర‌ దక్కింది. క‌థ‌కి మూల‌స్తంభంగా నిలిచాడు. ‘గమ్యం’లో గాలిశీను పాత్రలా ఇది ప్రేక్షకులకు గుర్తుండిపోతుంది. ఇలాంటి పాత్ర‌ల‌కు ఇక‌పై న‌రేష్ పేరుని ప‌రిశీలించ‌డం ఖాయం. ఇక కథానాయికగా వరుస సినిమాలను చేస్తున్న పూజాహెగ్డేకు ఇందులో మంచి పాత్ర దక్కింది.

హీరోయిన్ అంటే కేవలం గ్లామ‌ర్‌ల కోసమనే కాకుండా వంశీపైడిపల్లి పూజాహెగ్డేకు కథలో కూడా ప్రాముఖ్యతను కల్పించారు. క‌థానుసారం ఆ పాత్ర‌కూ ప్రాధాన్యం ఇచ్చారు. కాలేజ్‌ సన్నివేశాల్లో చిలిపితనంతో ఆకట్టుకున్న పూజా పాటల్లో మరింత గ్లామర్‌గా కనిపించింది. జ‌గ‌ప‌తిబాబు మ‌రోసారి స్టైలిష్ విల‌న్‌గా ఆక‌ట్టుకున్నారు. ఇక తనికేళ్ల భరని, సాయికుమార్, ప్రకాష్ రాజ్, జయసుధ సహా సీనియర్ నటీనటులందరూ తమ పాత్రలకు అనుగూణంగా నటించి మార్కులు సాధించారు. క‌మ‌ల్ కామ‌రాజు పాత్ర కూడా బావుంది. చాన్నాళ్ల త‌ర్వాత ముఖేష్ రుషి తెలుగు తెర‌పై క‌నిపించారు. కైకాల స‌త్య‌నారాయ‌ణ‌, కోట శ్రీనివాస‌రావు ఒక్క సీన్‌లోనే క‌నిపించినా ఫ్రేమ్ ఆహ్లాద‌క‌రంగా అనిపించింది.

{youtube}ByjXIbg4hjw|620|400|1{/youtube}

టెక్నికల్ అంశాలకు వస్తే..

సాంకేతికంగా సినిమా చాలా బాగుంది. నిర్మాణ విలువలు ఉన్నతస్థాయిలో వున్నాయి. కె.యు. మోహనన్‌ ఛాయాగ్రహణం సినిమాకు అదనపు బలంగా నిలించింది. ద‌ర్శ‌కుడు వంశీ పైడిపల్లి ఎంచుకున్న క‌థ బ‌ల‌మైన‌దే. తాను అనుకున్న విధంగా తెరపై చూపించే ప్రయత్నం చేశారు. అందుకు మహేష్ లాంటి అగ్రకథానాయకుడి ఎంచుకోవడం వల్లే ఈ కథకు మరింత బలం చేకూరింది. సినిమాని స్టైలిష్‌గా, రిచ్‌గా తీర్చిదిద్దారు ద‌ర్శ‌క నిర్మాత‌లు.. ప్రతి ఫ్రేమ్‌లోనూ ప్రేక్షకుడికి రిచ్‌నెస్‌ కనిపిస్తుంది.

సంగీత దర్శకుడు దేవిశ్రీ పాట‌లకు ఒక ప్రత్యేకత ఉంది. ఒక్క‌సారి విన‌గానే ఎక్కేయ‌వు. కానీ, నెమ్మదిగా విన‌గా విన‌గా న‌చ్చుతాయి. ‘మహర్షి’ విషయంలోనూ అదే జరిగింది. సినిమాలో ఆ పాటలన్నీ బాగున్నాయి. ముఖ్యంగా శ్రీమణి సాహిత్యం పాటలకు అదనపు బలాన్ని ఇచ్చింది. ఇక నేప‌థ్య సంగీతంలోనూ దేవి త‌న మార్క్‌ను చూపించారు. ఇక చిత్రానికి బావోద్వేగాలను జతపర్చింది ముఖ్యంగా మాటలు, డైలాగులు. రైతులపై సింపతీతో కాదు రెస్పెక్ట్ తో మాట్లాడుతున్నాను.. ప్రపంచాన్ని ఏలేద్దామనుకుంటున్నాను అన్న డైలాగులు ప్రేక్షకులను అట్రాక్ట్ చేశాయి.

తీర్పు..

మహేష్ బాబు కెరీర్ లోనే నిజమైన మైలురాయిగా నిలుస్తుందీ చిత్రం. మూడు విభిన్న పాత్రలలో ఆయన చేసిన నటన అధ్భుతం. ఆయన అభిమానులకు అందించిన ఓ చక్కని ట్రీట్ మహర్షి

చివరగా... అన్నివర్గాల ప్రేక్షకులను అకర్షించే యజ్ఞమే ‘మహర్షి’..!

Posted: May 9, 2019, 10:18 am